2013-ից ինստիտուտն իրականացնում է ՀՀ քաղաքա­ցիական ծառայողների վերապատրաստում:

Նկատի ունենալով, որ ներկա փուլում քաղաքացիական ծառայության արդյունավետության բարձրացման գործում կարևոր նշանակություն ունի «Քաղաքացիական ծառայության մասին» ՀՀ օրենքով և իրավական ակտերով նախատեսվող քաղաքացիական ծառայողների աշխատանքային ունակությունների հետագա կա­տա­րելագործումը, ՏԿԻ-ն մշակել և ՀՀ քաղաքացիական ծառա­յության խորհուրդ է ներկայացրել այդ խնդրի լուծմանն ուղղված վերապատրաստման 2 ծրագիր` բարձրագույն ու գլխավոր և առաջատար ու կրտսեր պաշտոններ զբաղեցնող քաղաքացիական ծառայողների համար: Դրանցից յուրաքանչյուրում հիմնական ուշադրությունը բևեռվում է աշխատանքի կազմակերպմանը և ղեկավարմանը, քանի որ վերջին հաշվով աշխատանքային բոլոր ունակությունների նպտակը աշխատանքի արդյունավետ կազմա­կերպմն ու կառավարումն է: Ծրագրերում ընդգրկվել է 12-ական թեմա, որոնք առավել բնութագրական են համապատասխան խմբերի պաշտոններ զբաղեցրած քաղաքացիական ծառայողների պաշտոնների նկարագրերով սահմանված պարտակա­նություն­ներին: Ներկայացված ծրագրերում բավականին մեծ տեղ է հատ­կացված գործնական պարապմունքներին` ուսուցման գործընթա­ցում դասավանդողների և ունկնդիրների միջև ակտիվ համագոր­ծակցություն ստեղծելու համար, ինչը ինտերակտիվ ուսուցման կարևոր պահանջներից ու առավելություններից է:

ՀՀ քաղաքացիական ծառայության խորհրդի 2012թ. դեկ­տեմ­բերի 7-ի № 1077-Ա որոշմամբ հաս­տատվել են բարձրագույն և գլխավոր պաշտոններ զբաղեցնող քա­ղաքացիական ծառայողների վերապատրաստման «Աշխա­տան­քի կազմակերպման և ղեկա­վարման հմտություններ» և առաջատար ու կրտսեր պաշտոններ զբաղեցնող քաղաքացիական ծառայող­ների վերապատրաստման «Աշխա­տանքի կազմակերպման հմտություններ» ծրագրերը («Կառավարչական հմտություններ»):

Այդ ծրագրերով 2013-2017 թվականներին ՏԿԻ-ում վերապատ­րաստում են ան­ցել ՀՀ 506 քաղաքացիական ծառայողներ (330` բարձրագույն ու գլխավոր և 176` առաջատար ու կրտսեր պաշ­տոններ զբաղեցնող):

ՀՀ քաղաքացիական ծառայության խորհրդի 2015թ. նոյեմբերի 20-ի № 995-Ա որոշմամբ հաստատվել են նաև «Անձնակազմի կա­ռավարման բարելավում» վերապատրաստման ծրագրերը` բարձ­րագույն և գլխավոր ու առաջատար և կրտսեր պաշտոններ զբա­ղեցնող քաղաքացիական ծառայողների համար:

Այդ ծրագրերորվ 2016-2017 թվականներին ՏԿԻ-ում վերապատրաստում են ան­ցել ՀՀ 40 քաղաքացիական ծառայողներ (19 բարձրագույն ու գլխավոր և 21` առաջատար ու կրտսեր պաշտոններ զբաղեցնող):

2014թ. մայիսի 05-ից նոյեմբերի 14-ը ՀՀ քաղաքացիական ծա­ռայողների վերապատրաստումն իրականացվել է նաև  ՀՀ քա­ղաքա­ցիական ծառայության խորհրդի 2006թ. հոկտեմբերի 9-ի №829-Ա որոշմամբ հաստատված «Գործավարություն» ծրագրով):

ՏԿԻ-ում վերապատրաստված քաղաքացիական ծառայողների թվաքանակի բաշխումն ըստ զբաղեցրած պաշտոնների խմբերի