Կրթության բնագավառում ՏԿԻ-ի նպատակը քաղաքացիական հասարակության և շուկայական տնտեսության պահանջներին հա­մա­պատասխան տնտեսագիտական և կառավարման գիտելիք­ների և գործնական հմտություններին ու կարողություններին տիրա­պետող բարձրորակ մասնագետների պատրաստումն է:

ՀՀ ԿԳ նախարարի 2007թ. մայիսի 11-ի № 421-Ա/Ք հրամանով «ՏԿԻ` տնտեսագիտության և կառավարման ինստիտուտ» ՍՊԸ-ին տրված բարձրագույն մասնագիտական կրթական ծրագրերով գործունեության № 708 լիցենզիայի հիման վրա ՏԿԻ-ն 2007-2012 թվականներին իրականացրել է մագիստրական կրթություն 4 մասնագիտությունների գծով` առկա և հեռակա ուսուցման ձևե­րով` կառավարում, ֆինանանսեր, ձեռնարկությունների տնտեսա­գիտություն և կառավարում, միջազգային տնտեսական հարաբե­րություններ մասնագիտություններով:

ՏԿԻ-ում իրականացված մագիստրական ծրագրերն ըստ մասնագիտությունների

«Կառավարում (պետական և մունիցիպալ կառավարում)» մաս­­­նագիտության ընտրությունը պայմանավորված էր մեր երկ­րում ժամանակակից պահանջներին համապատասխան հանրա­յին կառավարման ինստիտուտների համար համարժեք կադրերով ապահովվածության խնդրի լուծման հետ:

«Միջազգային տնտեսական հարաբերություններ» մասնա­գի­տության ընտրությունը կապված էր տնտեսական գլոբալացման պայմաններում Հայաստանի Հանրապետության արտաքին տնտե­սական կապերի  ընդլայնման և դրա համար անհրաժեշտ  կադ­րերի ապահովման հետ:

«Ֆինանսներ (ֆինանսներ և վարկ)» և «Ձեռնարկությունների տնտեսագիտություն և կառավարում (գործարար կառավարում)»  մասնագիտություններն ընտրված էին` հաշվի առնելով երկրում շուկայական տնտեսության արմատավորման  և զարգացման գոր­ծում նշված մասնագետների աճող պահանջը:

2008-2009 ուսումնական տարում ՏԿԻ-ն տվեց առկա ուսուց­ման իր առաջին շրջանավարտները «Կառավարում (պետական և մունիցիպալ կառավարում)» և «Ֆինանսներ» մասնագի­տություն­ներով: Կառավարման և ֆինանսների մագիստրոսի որակա­վոր­ման արժանացան 5-ական շրջանավարտներ յուրաքանչյուր մաս­նագիտությունից:

ՏԿԻ-ի շրջանավարտներից շատերն իրենց մասնա­գիտության գծով աշխատանքի անցան պետական կառավարման մարմին­ներում (ՀՀ ֆինանսների նախարարություն, պետական եկամուտ­ների կոմիտե), միջազգային կազմակերպություններում (ՄԱԿ-ի  զարգացման ծրագրի Բրատիսլավայի գրասենյակ) և մաս­նավոր հատ­վածում:

2009-2010 ուսումնական տարում ՏԿԻ-ն ընդունելություն կազմակերպեց նաև հեռակա ուսուցման գծով:

Մագիստրանտների ուսուցման որակն ապահովելու համար կազմվել են ժամանակակից պահանջներին համապատասխան կրթական ծրագրեր:

Կրթական ծրագրերը կազմվել են` ելնելով մագիստրանտ­նե­րին անհրաժեշտ գիտելիքներ և հմտություններ տրամադրելու ինստիտուտի որդեգրած առաքելությունից, հաշվի առնելով տվյալ մասնագիտություններին ներկայացվող ժամանակակից պահանջ­ները և օգտագործելով հայրենական ու միջազգային կրթական առաջավոր հաստատությունների փորձը:

 «Բարձրագույն և հետբուհական մասնագիտական կրթության մասին» ՀՀ օրենքի դրույթներն իրականացնելու նպատակով ՏԿԻ-ն, ուսումնասիրելով ՀՀ և այլ երկրների կրթական համակարգի ծրագրերը, վերամշակեցին առարկայական ծրագրերը՝ դրանք ավելի մրցունակ դարձնելով տեղական, և, ինչու չէ նաև, միջազ­գա­յին կրթական ծրագրերի համեմատ: Այդ առումով հատկանշական է ինստիտուտում ընդամենը 2 տարում կրեդիտային համակարգի հիմնադրույթների, ուսումնական գործընթացի կազմակերպման  և գիտելիքների ստուգման ու գնահատման նոր կարգի, մագիստ­րանտներին առաջարկվող կրթական ծրագրերի  կառուցվածքի, բովանդակության և աշխատածավալների, ծրագրի բաղկացուցիչ դասընթացների և դրանցով նախանշված կրթական արդյունքների յուրացումն ու կիրառումը:

2007-2012 թվականներին ՏԿԻ-ում մագիստրոսի կոչում է ստա­ցել 62 շրջանավարտ, այդ թվում «Կառավարում» մասնագի­տությամբ` 22, «Ֆինանսներ» մասնագիտությամբ` 22, «Ձեռնար­կությունների տնտե­սագիտություն և կառավարում» մասնագի­տությամբ` 14 և «Մի­ջազգային տնտեսական հարաբերություններ» մասնագի­տությամբ` 4:

ՏԿԻ-ում մագիստրոսի կոչում ստացած շրջանավարտների բաշխումն ըստ մասնագիտությունների

ՀՀ կրթության և գիտության նախարարության աշխատակազմի լիցենզավորման վարչության (ՀՀ կրթության և գիտության նախա­րարի 2010թ. հուլիսի 9-ի № 879-Ա/Ք հրաման) և ՀՀ Վերահսկիչ պալատի (ՀՀ Վերահսկիչ պալատի խորհրդի 2010թ. մարտի 30-ի № 10/4 որոշում) կողմից կատարված ստուգումներով հիմնականում դրական է գնահատվել ինստիտուտի ուսումնական գործու­նեութ­յունը: Սակայն 2011-2012 թվականներին ինստիտուտի ուսում­նա­կան գործունեության արդյունավետությունը նկատելիո­րեն նվա­զեց, խիստ կրճատվեց դիմորդների թիվը, ինչը հավատար­մագրման գործընթացի նախկինում նախատեսված ժամկետի հետաձգման հետևանք էր («Մասնագիտական կրթության որակի ապահովման ազգային կենտրոն» հիմնադրամի 1/16-19.03.10 գրություն և ՀՀ կառավարության 2011թ. հունիսի 30-ի № 978-Ն որոշում): Որպես ստեղծված իրավիճակից ելքի միջոց ինստի­տուտի ղեկավարությունը դիմեց ՀՀ կրթության և գիտության նախարարին (08 հունիսի 2012թ., № 1/Տ-13 գրություն) մինչև ՀՀ-ում հավատարմագրման գործընթացի համընդհանուր կիրարկմանն անցնելը ինստիտուտին տրված լիցենզիայի ժամանակավորապես կասեցման հարցով, ինչն ընդունվեց ՀՀ ԿԳ նախարարության կողմից: